Is article mein main aapko aise 5 time killer games ke baare mein bataaunga, jinka size 3 MB ya unse kam hai, ye games ek hi developer ke hain aur sabhi shadow type mein hain, but bahut hi interesting hain. Aap in games mein high scores bana sakte hain. Maine is article mein kisi bhi game ka promotion nahin kiya hai. I have just shared my experience. to chaliye jaante hain un games ke baare mein-
Game: 1 (Cricket Black)
Mere khayaal se ye smallest size cricket game hai. Is game ka size jitna kam hai, ye game utna hi interesting hai. Aap is mein ek ball par 1, 2, 3, 4 aur 6 runs bana sakte hain. 4 aur 6 runs banane par aapko extra balls milenge, aur aap zyada runs bana kar high scores bana sakte hain. Is game ki Play Store par 4.3 ki rating hai. Aap is game ko yahaan click kar ke download kar sakte hain.
Inhein Bhi Padhein:
Game: 2 (Archery Black)
Ye ek archery game hai. Is mein aapka bow move hota rahta hai, aur aapko target par yaani ki bull's-eye par hit karna hota hai. Har ek hit ke baad aapka target doosri jagah par shift ho jaata hai. Is game ko Play Store par 4.4 ki rating mili hai. Aap is game ko yahaan click kar ke download kar sakte hain.
Game: 3 (Football Black)
Ye ek football game hai, jis mein aapko ball se goal karna hai. Goal karne ke pahle aapke ball ko ek wall ko cross karna hoga, jahaan se cross karne ki bahut kam jagah hogi. Har ek kick ke baad wall se aapki doori change hogi; kabhi wall goal ki taraf jaayegi, aur kabhi aapki taraf aa jaayegi Kuch goals karne ke baad wall move hone lagega, aur game hard hota jaayega. Is game ko Play Store par 4.1 ki rating mili hai. Aap yahaan par click kar ke is game ko download kar sakte hain.
Game: 4 (Basketball Black)
Ye ek basketball game hai. Is game mein aapko ball ko hoop ya net mein daalna hai. Har ek ball throw karne ke baad aapki net se distance badalti jaaegi. Kabhi aap net ke bilkul paas honge, aur kabhi bilkul door. Aap is game mein zyada points bana kar apna high score set kar sakte hain. Is game ko Google Play Store par 4.3 ki rating mili hai. Aap is game ko yahaan click kar ke download kar sakte hain.
Game: 5 (Stone Throw Black)
Is game mein aapko ek stone ko throw karna hai, jo ki aapke haath mein hoga. Stone ko throw karte huye aapko daudte waqt apni energy ko badhaana hai, jisse ki aapka stone syada se zyada door tak jaaye, aur aapka zyada score bane. Is game ko Google Play Store mein 4.1 ki rating mili hai. Aap is game ko yahaan click kar ke download kae skate hain.
To doston, yahi the wo games. Hopefully ye aapko pasand aaye honge. Aap humaare doosre articles bhi padh sakte hain-